Piero Sraffa

Piero Sraffa
Persona informo
Naskiĝo	5-an de aŭgusto 1898 (1898-08-05) en Torino
Morto	3-an de septembro 1983 (1983-09-03) (85-jaraĝa) en Kembriĝo
Lingvoj	angla • itala
Ŝtataneco	Italio • Reĝlando Italio
Alma mater	Londona Lernejo de Ekonomiko • Universitato de Torino
Familio
Patro	Angelo Sraffa
Okupo
Okupo	ekonomikisto • universitata instruisto
v • d • r

Piero SRAFFA (Torino, 5a de aŭgusto 1898 - Kembriĝo (Anglio), 3a de septembro 1983) estis influa itala ekonomikisto. Lia verko "Produktado de varoj pere de varoj" estas konsiderata kiel la refondo de la klasika ekonomika skolo aŭ nomita ankaŭ "novrikarda".

Li gradiĝis en la Universitato de Torino en 1920, per disertacio pri la inflacio en Italio dum la periodo de la Unua Mondmilito kun Luigi Einaudi, grava ekonomikisto kaj poste prezidento de Italio. En 1921 li jam verkis por Keynes. Poste li estis nomumita profesoro pri politika ekonomiko en Perugia kaj poste en Cagliari. En tiu periodo, Sraffa deklaris sin marksisto kaj amikiĝis kun Antonio Gramsci, ĉefa estro de la Itala Komunista Partio, kaj publikigis kelkajn artikolojn en la gazeto L'Ordine Nouvo.

Per la verko "Pri la rilatoj inter kosto kaj produktita kvanto", de 1925, li entreprenis la reviziadon de la teorio de la prezoj, sed ankoraŭ kadre de la teorio de la "marĝena utileco". En 1927, John Maynard Keynes, savis lin el la risko kiun Sraffa povus suferi pro la diktaturo de la Faŝisma Italio invitante lin al la Universitato de Kembriĝo kie li kontaktis kun Ludwig Wittgenstein kaj Frank Ramsey; poste li dediĉis sin al la studado de la verkoj de David Ricardo.